chutti se pehle aakhri din_srb4

aaj waise to koi khas din nahi tha pehle ki tarha wednesday tha magar achanak mujhay khayal aaya k kyun boss se chutti ki baat ki jaye, thori hichkichahat se main ne keh hi diya ka boss December khatam hone wala he, our meri pore saal ki leaves abhi baqi hein! agar aap kahein to kuch din ki off karloon? boss bhi bare ghairmamoli mood mein thay , kaha ok zaroor loo! kab se jao gey? main kaha k agar kahein to kal se? kehne lagge to H.R se leave application form lelo, mein ne kaha k abhi lelaaon? (khayal aaya pata nahi phir mood kaisa ho boss ka?) boss kehne lage k ok abhi le aao, mein foran HR depart gaya our farm le aaya! our boss se mukhatib ho kar kaha k boos sign kerdein, boss ne foran hi sign kardiya! ye kafi acha laga, k aise chotti milsakti ha? khair main ne tamam khayalat ko qabu mein kiya our farm dobara HR mein jama karane k liye nikal para, HR wale bhi hairan they k poore saal aik leave nahi our achanak itni leave ki kiya zaroorat pergayi ? mein ne kaha kuch zaroori kaam hein!

zindagikikahaniyan_srb3

zindagi ki kahaniyan aik silsila hoga, aik dareecha hoga, meri zaat ka, jo main aap sab k sath share kar raha hoon, mujhay yaqeen ha koi waqiya koi hadsa koi, manzar aap ko aisa lage ga k aap khud ko meri gahaan mehsoos karein gay kyun k ye ZINDAGI KI KAHANIYAN hein our ham sab aik doosre say jurey howe hein!

blog kyun_srb2

mein samajhta hoon k ham sab loog jo ye blog perhein gey ya jo nahi parhein gey ham sab aik doosre se jure hein, ham cha hein ya na chahein, hamein mallom ho ya na maloom ho! main loogoon ko apni mojoodgi ka ehsaas dilana chahta hoon apne bare mein likh kar aur aap k bare mein jaan kar, aap sab ko ye bawar karana chata hoon k aap akele nahi,

yahan aap sab se pehle yahi sooch rahey hoongey k main english mein kyun nahi likh raha main likh sakta hoon aise hi magar nahi likhoonga kyun k main ziyada se ziyada loogoon tak pohanchna chaahta hoon, apni tehreer k zarye!

about me_srb1

AsalamoAlikum,

mera naam saad rehman ha main business graduate BBA sath mass communication mein Masters ker raha hoon, our achi kitaboon or mazameen perhnay ka shoqeen hoon,

abhi single hoon our apni zindagi ko our zindagi k maqasid ko samajhne ki koshish kar raha hoon,

mera taaluq aik bhare ghrane se hay jahan mujh se bare our chootey har umr k loog hein!

magar mein apni shanakht banana chahta hoon, mujhey yaqeen hey k main ye sang-e-meel hasil karloonga!